Fougendes: Zersch isch der Plan mit em Esse u so. Dert hani itz d Mengine dritah wo der nech öpe dranne orientieret. Getränk zum Bispiu hani eher viu grechnet, aber die cha me ja o eifach hei näh. Lueget eifach säuber u düet chli gsunge Mönscheverstand lah waute ;) bitte sech aui guet merke was sie müesse bringe! Iisatzplan: Es steit wer am Afang sicher muess cho. Die wo wie, chöi glich cho u die angere dörfe nehr ersch ufe Match cho. Füre Schluss giut genau z gliche. Die wo stöh müesse u der Rest darf. I weiss es git serigi wo meh müesse mache u fasch der ganz Tag dert sy u angeri wo weniger hei. Am Afang sy d Viola u d Fibä i Chlammere, das wöu sie ja nehr Match hei u o eher früecher chönnte dert sy. D Prisliste bitte mau düreluege u sege we irgend e Priis nid guet isch. Am Schluss hets es Dokument, wo mer de fürs Abrechne bruche. Bitte aui d Quitige bhaute!!! MERCI :)

Hie isch dr Flyer für üses Buffet - aui flissig Wärbig mache! ;-)

Er isch haut ähnlech wi letst Jahr, ha zweni Zyt gha... :S

LG Fibä

Hallo zämme, öppis SEHR WICHTIGS: damit öi Amäudig für Mürre definitiv isch, müesst dir öie Lagerbiitrag umbedingt BIS AM 19. AUGUST 2013 zahle! Süsch gäutet dir nid aus agmäudet, we dr dr Betrag nid izahlet. Im Ahang isch nomau d beschribig zu mürre u dört steit o druf wie viu dir wie müesst zahle! Zudem hani no hinzuegfüegt wie ds dir z mürre agmäudet sit, nume faus drs vrgässe heit :D

Hallo zämme,

Trainings bis zu den Herbstferien sind online.

Beste Grüsse

Simu

Hallo zämme,

i ha d heimspiu, ds turnier und mürre uf Bola ufgschautet. Für mürre müesst dir öich nid amäude, i weiss ja scho vom whatsapp wär chunnt u wär nid. Bim turnier han i nech agmäudet so wie dir uf whatsapp heit gschriebe, wes dört no änderige git hie uf Bola ändere (wie immer mit Grund).

d heimspiu sowie z turnier si ersch PROVISORISCH, da beidi no nid bestätiget si. dir chöit abr drvo usgah ds d heimspiu (vorauem die am ne samsti) so wärde bliebe u ds mir sehr wahrschinelch e platz bechömme am turnier. i hoffes ämu sehr :D

nächst wuche gits sicher no kes beach Training. Ev. ir 2. ferie wuche, i mäude mi de no.

Gniesset d ferie die wo hei!! :)

Simu

Hie no d Usschribe für uf Mürre. Bitte so schneu wie müglech mitteile ob dir chömmet odr nid! Merci :)

Hallo zusammen,

Leider ist die Halle ab Mittwoch 16:00 geschlossen und deshalb finden diese Woche keine Trainings statt.

Nächstes Training: 15. Mai

Beste Grüsse

Simon

Hallo zämme,

Dä Donsti geits los, im Rain vo 19:45 bis 21:45. Bis zu de Summerferie si aui Trainings itreit. Zur zit si 14 Lüt uf dr Kaderliste, zudem wirds Trainingsgäst us em U19 gäh. Ds heisst es si viu wo wöi trainiere u ds erfordert chli d Koordination vo de Trainings, so ds mr nid eininsch 16 si u einisch nume 7. Darum bruch ig umbedingt öi Mithiuf

Absenzeregle:

- Bitte traget öich aui im Bola so schneu wie müglech ih

- Abmeldige bis max. 24h vorem Training und mit Grund! Bola längt, dir chöit mr aber o im WhatsApp schriebe, oder Email, so wie dr wöit

- We dr weder im Bola itreit sit, no nech abgmäudet heit, isch ds gar nid guet! Dir sit aber glich agmäudet und es wägbliebe hät e unentschuedigti absenz zur foug

Auso umbedingt öich aui no iiträge, ämu mindestens für e 25.04.! Bis am Donsti, i freue mi! :)

Hallo zusammen Hier schon mal eine Vorinformation: Die diesjährige HV findet am Mittwoch, 29.5.2013 um 19.30 statt. Nicht wie gewohnt im Restaurant Thalheim, sondern im Haus des Sports, Saal Pavillon. Das Haus des Sports befindet sich im Talgut-Zentrum in Ittigen. Die ordentliche Einladung mit allen Traktanden werden Ihr dann termingerecht per E-Mail erhalten. Denkt daran, die HV ist für alle Vereinsmitglieder obligatorisch. Abmeldungen können per E-Mail direkt an den Präsidenten michel.chaperon@gmx.ch gerichtet werden. Austritte bitte ebenfalls bis spätestens zur HV, diese an r.kuenzli@gmx.net. Vielen Dank und liebe Grüsse Michel

Heelloo =D

Hie wär ds Doodle für ds Alpamare, wie gewünscht Date für under dr Wuche =D traget nech bis nächscht Donschti i, de chöi mir bim Bowle abmache!

http://www.doodle.com/h8fpk9uv7pkudixs

Grüessli

Anja

Hoi zämä Und scho isches wider sowit… Üsi Volleynight findet am 04.05.2013 wieder statt. Bitte machet viu Wärbig mitem Flyer bi Fründe u Family das wär super!! Mir fröie üs uf ganz viu Amäudige! Dr Häuferisatzplan wird direkt a die üs gmäudete Persone per E-Mail verschickt. Grüessli ds OK

.

hoii zämä i ha de date vom shiiw-end dri ta.. düet nech bitte aui itragä es ish vom 15 ufe 16 februar <3<3

Hey zäme

Wi di meiste sicher scho wüsse, bini letscht Mänti im Training abknickt und hamer widr ds Sprungglänk broche (ds gliche wi voremne Jahr)... :-(

I muess iz ca. 4 Wuche e Gips trage, darf glücklecherwiis je nach Schmärze scho widr chli belaschte.

Volleyball rückt iz leider chli i Hingergrund. Das Mau wotti uf ke Fau ds früeh widr afah und zersch mti Physio ufboue. I hami mau bis zur Rückrundi abgmäudet, ds heisst bis Januar.

I haute nech uf jede Fau ufem Loufende. Am Mittwuch hani mi nächst Röntge-Termin. Denn weisi de sicher wieder meh.

Wes müglech isch, chumi so ofts geit vor Site cho ungerstütze. Witerhin toi toi toi fürd Saison und hoffentlech bis gli...

Müntschi Fibä

heii auii zämä hiä wär dr doodle link für üses schiifahrä liebs grüessli nidlä

Hallöchen alle zusammen :)

Ha dänkt, mir chönnte morn widr ir Papiermühli abmache für gmeinsam mit dä Autos uf Neuenegg ds fahre.

Träffpunkt: 19:15 Papiermühli

I cha näbscht mir no 3 Persone mitnä. I weiss nid, wär schüsch no fahrt...?!

Bis denn, mir wärde denä ga zeige, wär 1. isch und blibt! :D Liebs Grüessli Fibä